فيديو.. شاب ينتقد محافظ أسوان أمام السيسي

انتقد شاب، في إحدى جلسات المؤتمر الوطني للشباب بأسوان، المحافظ اللواء مجدى حجازى، قائلًا: "اعملوا فيا اللي أنتم عايزينه إن شاء الله اتفصل من شغلي، المحليات ومسئولو التجميل اشتغلوا عشان زيارة الرئيس، ومدوا مواسير مصرف كيما عشان الرئيس لا يشم ريحة الحاجة اللي بتنزل المية وبنشربها".

وطلب الرئيس السيسي، من وزير الإسكان مصطفى مدبولي التدخل لتوضيح مشكلة إنشاء مصرف كيما، ليرد الوزير قائلًا: "بكرر للمرة الـ 100 في خلال شهرين هتخلص المشكلة، المشكلة مش مشكلة صرف صحي بس، في إلقاء قمامة في المصرف، وإن شاء الله بنهاية مارس المقبل هنكون أنهينا المعاجة الثنائية والثلاثية هتنتهي قبل نهاية العام".

فقال الرئيس "تحبوا كلنا نطلع نشوف دا مع بعض، اللي بنقدر نعمله هنعمله واللى مش قادرين نعمله بعدين، الموضوع دا مشترك، لأن الناس بتصرف الصرف الصحي على مخر السيل، ولو مش مستريحين تعالوا نتفرج على مصرف كيما".

ووجه حديثه للشاب: "أنت أمن، قول ما شئت، طالما أنت بتتكلم ومش عايز تأذينا بالسلاح".

المصدر أخبار | التحرير الإخبـاري